ایران کی پارلیمنٹ کے اسپیکر محمد باقر قالیباف نے سوشل میڈیا پر جاری اپنے ایک بیان میں امریکہ کو سخت وارننگ دیتے ہوئے کہا ہے کہ ایرانی مسلح افواج کسی بھی قسم کی جارحیت کا منہ توڑ اور عبرت ناک جواب دینے کے لیے مکمل طور پر تیار ہیں۔ یہ بیان ایک ایسے وقت میں سامنے آیا ہے جب امریکی صدر ڈونلڈ ٹرمپ نے ایران کے ساتھ جاری جنگ بندی کو شدید خطرے میں قرار دیتے ہوئے ملک کو ایک بار پھر سنگین نتائج کی دھمکیاں دی ہیں۔
نیروهای مسلح ما آمادهٔ پاسخگویی درسآموز به هر تجاوزی هستند؛ استراتژی اشتباه و تصمیمهای اشتباه، همیشه نتیجهٔ اشتباه خواهد داشت، همهٔ دنیا قبلاً این را فهمیدهاند.
— محمدباقر قالیباف | MB Ghalibaf (@mb_ghalibaf) May 11, 2026
ما برای تمام گزینهها آماده هستیم؛ شگفتزده خواهند شد.
ایرانی اسپیکر نے واشنگٹن کی پالیسیوں پر سخت تنقید کرتے ہوئے کہا کہ غلط حکمتِ عملی اور غلط فیصلے ہمیشہ غلط نتائج کی طرف ہی لے جاتے ہیں اور اب پوری دنیا اس حقیقت کو اچھی طرح سمجھ چکی ہے۔ انہوں نے مزید واضح کیا کہ ایران ہر قسم کی صورتحال اور تمام ممکنہ آپشنز کے لیے پوری طرح تیار ہے اور اگر ایران پر کوئی بھی جارحانہ قدم اٹھایا گیا تو مخالف فریق کو ایسی کارروائی کا سامنا کرنا پڑے گا جس کی انہوں نے توقع بھی نہیں کی ہوگی۔ اس بیان کے بعد دونوں ممالک کے مابین پہلے سے موجود سفارتی اور فوجی تناؤ میں مزید شدت آنے کا خدشہ پیدا ہو گیا ہے۔